Ti machann monnamou
Chak jou bondye mete
de tete byen doubout
wa p kandale desann
vwa w kou vwa rosiyòl
pistachgriye pistachgriye
byen griye byen griye
malgre m rele vi n vann
ou pran pòz pa tande
Chak jou bondye mete
ou bèl kou w flanm dife
wa p kandale desann
vwa w kou vwa sèpantye
men bèl diri pwa nwa
mayisenmak soupoudre
malgre m rele byen fò
ou pran pòz pa tande
Chak jou bondye mete
ren w sou konn toubouyon
wa p kandale desann
ladoukivyen kenèp
ladouskivyen kenèp
malgre rele cheri
ou pran poòz pa tande
Chak jou m kanpe ma p tann
kilè pou wa p pase
poutan w pase vrèman
men w pran pòz ou pa wè m
ti machann monnamou.
Frantz Le beau
No comments:
Post a Comment